♥ The Joomak 韓國居酒屋 ♥

星期五放工，同好朋友來到 LCX逛街食飯，才發現本身間板長已經唔見左！
原來依家變左韓國菜，餐廳名字叫 The Joomak，朋友話想試，所以我地都即管試下。
　



一入到鋪裡面，會發現好大個 JOOMAK 既字在牆上，上網Search下，
原來 The Joomak 餐廳總店位於韓國江南既中心地帶，由Steve Lee 0向 2004年正式創立。

Steve 自小在美國接受教育，曾在意大利、中國及澳洲等從事餐飲工作，
豐富既經驗可以為The Joomak 帶來多國原素 & 驚喜。

2015 年 The Joomak 集團決定進軍香港飲食界，
以「朝鮮酒幕」自居，為香港人帶黎全新既韓國飲食文化。

  

當日，與朋友點了幾樣野食。

清酒大蜆湯 $78

其實有點失望，因為只有4粒蜆，而且唔知點解有好多年糕！(我唔中意食)
個menu 明明寫住清酒大蜆湯，英文係 fresh clam soup，完全理解唔到點解有年糕 ><
年糕唔係叫rice cake 咩??!

另外，個湯係清清地，但完全冇酒味。。
anyways, 唔中意食年糕既, 就千祈唔好叫，無咩特別！！

　

惹味韓燒牛肉 $158

呢碟牛肉就超好食，甜甜地就唔會辣，一 d "蘇" 都冇，好惹味！
配上白飯簡直係一流，會好開胃，不自覺會比平時食多左飯！
　　

卡邦尼炸雞 $118

呢碟雞肉係超炸，係會有少少熱氣，不過可接受的 =]
咬上口超脆，而個皮就唔算厚，入面食上口係啖啖肉！

另外，它表面雖然芝士粉多過辣粉，但其實係調較得岩岩好，
濃濃既芝士味，聞到已經好醒神，會即刻急不及待要食，不過我發現食完會好口乾，所以之後我飲左好多水。

　

蜜糖炸薯條 $68

呢個小食係好特別，我第一次食薯條係搽蜜糖的！
薯條本身會落鹽，呢個會加上蜜糖，所以個口味好雙重，又甜又咸，
但又唔難食，相反感覺好得意 。

  

明洞卷 $88

明洞卷入面有黃瓜、蘿蔔、餐肉，
餡料好豐富，而且十分大件，好抵食！
　

Overall ： (5星滿分)

味道：**** (除左個蜆湯之外，基本上食物是ok的)
環境：**** (鋪頭係新裝修，加上地點方便, good)
服務：*****(職員笑容可嘉，而且會主動加水)
衛生：**** (食物好衛生, 乾淨)
抵食：**** (唔算貴la, 大件夾抵食)