♥ 三木日本料理 ♥

由於好朋友好中意食放題既關係，我地每次既約定都係去食放題！
不過好彩我唔係成日見佢，如果唔係成日食放題我一定會肥死 haha =]

今次佢揀左尖沙咀既 " 三木日本料理 Miki Japanese Restaurant"，方便大家放工過去！
　　



我地點左好多野食，
有黑松露野菌忌廉湯、蟹粥、沙律、粟米、溏心蛋。

其實款式真係好多！

湯同粥都熱辣辣而且好入味，正！
粟米係超甜；不過溏心蛋裡既蛋黃太熟，我就覺得麻麻地；

而青瓜、蕃茄就平平無奇，冇咩特別。
　　　　

之後點左好多壽司，
我覺得呢度最正係海膽同吞拿魚，佢地都算新鮮，可以任食係最正！！
其他壽司就無咩特別，味道同想像中都差唔多，而且好多放題既地方都可以食到。

　

清酒煮蜆份量超多，啖啖肉，個湯仲可以飲埋 tim。

 

仲有我最愛既蒸蛋，
蛋夠熱而且好嫩滑，唔錯 =]

食放題當然唔少得要點刺身啦！
基本上刺身都超新鮮，而且夠冰，不過 d 帶子我縑佢細隻得滯，如果大隻d 會開心d。

　

之後就黎我最愛既串燒，
係個牛舌"燶"左少少之外，其他都燒得岩岩好；
而且d 調味都幾適中，唔會過咸 / 淡味 。

　　

最後就梗係要食甜品啦，佢有雪糕、奶凍等！
但估唔到原來呢度有 creme brulee，仲要 一d 都唔甜，又好食！