♥ Vision 8 西餐廳 ♥

前晚收工專登搭車去荃灣探朋友，參觀佢既新屋 =]
之後到左7點幾，大家傾傾下計覺得肚餓，佢就提議食佢屋企附近既西餐廳。
間餐廳叫做 Vision 8 ( 位於 - 荃灣兆和街34號榮安樓地舖 )
  



餐廳出面擺左塊黑板，
列哂 special 出黎，eg. 有Oyster / summer special drink 等。

一坐低，就急不及待睇 menu！
不論湯、前菜、沙律、小食、主菜、意粉、燴飯、Pizza 等都應有盡有，好多 choice 揀!

 

我地就每人叫個一個意粉 / risotto，
再加$45，有個餐湯＋法包＋餐飲，都幾抵。

  
餐湯係指定既，當晚飲既係 ♥ 忌廉雜菜湯 ♥；
它好特別，淡淡既忌廉味，而雜菜既份量都好多，有蘿蔔同西芹。
　

♥ 野菌。黑松露菌燴意大利飯 ♥ $128
 

整個飯好 Creamy，但又不會太過濃郁，正 =]
野菌既份量超多，幾乎每一啖飯都有一塊菇，好足料！
黑松露既份量就剛剛好， 朋友覺得整個飯好飽，但飽得黎又唔會膩。

  

♥ 牛油果卡波尼意大利粉 ♥ $128

    

跟我expected 的完全不一樣！

最當初我以為會有一柆柆既牛油果在意大利粉中！
點知原來牛油果溶化成醬，混入左成個意粉，所以個意粉係超香 =]
另外，佢比較濃 + Creamy，加有煙肉所以有飽肚感，$100 都唔洗好抵食！