♥ 梨滿園韓國料理 ♥

前幾個星期，份工終於比較得閒，
所以就相約幾位朋友一齊食 my favourite 韓國野 ♥
食咩餐廳我一向都冇意見，總之有生牛肉、醬油蟹、牛肋骨湯，就OK =]
  



朋友Search 過幾間，最後就決定揀旺角區，方便大家返屋企！
地點就是旺角通菜街1A-1L號威達商業大廈Deli2 1樓 － 梨滿園韓國料理 ♥
 

 

威達商業大廈Deli2 最近幾個月裝修過，所以成棟都好新！
餐廳內比人一種好乾淨、好舒服既感覺 =]
 

一入到去，職員為我地奉上side dish，
好豐富呀，有我最中意既芽菜、泡菜、甜薯仔！

　

先來 ♥ 特選牛肋骨(無醃) ♥

睇樣同Menu 幅相一樣，好新鮮，冇得輸！
佢係冇經過調味，食上口有種鮮嫩、柔軟既感覺 =]
　

♥ 鮮帶子 ♥

唔好講笑，佢超大粒，食上口除左新鮮之外，好爽口、彈牙！
中意食帶子既朋友，呢個係一個唔錯既選擇！

　

當燒上 特選牛肋骨(無醃) 同 鮮帶子，
佢地都唔算縮好多，仍然 keep 到個size，特別係帶子，仍然好大粒 =]

♥ 烤牛舌 ♥

佢同樣都係同Menu 幅相一樣，好新鮮！
廚房好勁，可以切到超薄身，燒15秒已經可以食 =]
  

食夠燒既野，我地亦有食熟食既韓國食物！

♥ 炒牛肉粉絲 ♥

牛肉經過炒的，所以好有風味 (鍋氣味)；
而粉絲份量好多，好似食勁都食唔哂，而味道唔會過份咸 / 甜！

 

 

♥ 牛肋骨湯 ♥

湯的料份量十足，入面有很多牛肋骨，
而 d 牛肋骨既味亦出哂，所以湯的味道很濃郁，正！！！

　　

而我今次黎就係為左佢地！！

♥ 蛋拌生牛肉絲 ♥

食生牛肉一定要小心，如果溶雪唔好就好易會肚痛！
呢間溶雪方面真係做得唔錯，生牛肉絲十分新鮮、乾淨，
帶有甜味，冰冰地凍凍地口感唔錯，即使撈左生雞蛋、蘋果絲、芝麻、青瓜等，
我返到屋企都冇肚痛！(證明好乾淨)
　  

另外，我最想食既 ♥ 韓式生醃醬油蟹 ( 豉油蟹) ♥

醬油蟹既蟹膏豐富十足，味道超好，職員教落一定要撈飯食!!　
飯可以吸收哂醬油蟹的蟹膏、豉油，吃上口唔會太膩、又有飽肚感，
今次係我第一次食醬油蟹，感覺唔錯，不過第一次我唔敢食太多，下次有機會再食多 d =]
   

呢間餐廳我會評分　(5* 為滿分)

味道 : *****
環境 : *****
服務 : *****
衛生 : *****
抵食 : ****

味道係超正，特別推介 ♥ 韓式生醃醬油蟹 ( 豉油蟹) ♥ 蛋拌生牛肉絲 ♥ 特選牛肋骨(無醃) ♥

而環境方面因為係岩岩裝修，所以餐廳內設施都好乾淨，舒服！

服務真心好，有個女職員係咁教我地食，而且好有禮貌，知道我地當中有大肚婆係咁加熱水比佢(因為果度冷氣比較凍)

衛生當然super good 啦， 食左咁多生野都冇肚痛！

Overall 食物、環境、服務、質素、衛生既質素都好好，所以睇返價錢又唔係好貴= ]