♥ 正宗印度餐廳 Surya Restaurant ♥

早前病左，所以 lunch / dinner 好多餐都食齋/ 白粥，超級清淡><
自從病好後都冇食過d 咩特別野，咁岩最近朋友好想食印度野，我又病好冇所謂，
佢就帶我去左 " 正宗印度餐廳 Surya Restaurant " =]
  　

正宗印度餐廳 Surya Restaurant 位於尖沙咀麼地道48號麗東大廈地庫，
餐廳環境都舒服，格調好浪漫，好適合情侶去！
　

一入到去，就睇 menu 啦，
點知menu 勁多野食，款式多多，
我同朋友都睇到花多眼亂，一時之間下唔到決定。

於是叫職員介紹，職員係印度人，但佢講d 英文一d 都唔難聽！
　

於是我地叫左３樣野食，
分別有：蒜蓉烤餅、印度香料椰汁雞、特式大蝦。

　

先介紹蒜蓉烤餅，
奉上時熱辣辣，而且聞到好香蒜蓉味！

　　

食上口就脆得黎又可口，
內餡就鬆軟，就咁食唔撈汁都好ＯＫ！

 　

印度香料椰汁雞，
望落去好似好辛辣，重口味！

　

不過食落完全唔係果回事，
佢d 椰汁好香，而雞肉超嫩滑，將ｄ汁撈上蒜蓉烤餅再食好正 =]

 

至於特式大蝦，
賣相認真麻麻，望落好似唔見到d 蝦。
不過其實d 蝦係底，但份量唔多，只有5隻蝦 ><
 

同樣地，我將呢碟撈上蒜蓉烤餅再食；
佢d 蝦係爽口、彈牙，可惜佢唔大隻，食完會有意猶未盡、唔夠喉既感覺，
如果佢d 蝦多d, 同大隻d, 我諗會有滿足既感覺！