♥ Happy Brunch ♥ Dabyida Restaurant and Bar ♥

終於又到星期六喇 =]
今日同好朋友去試新野，就係去 Dabyida Restaurant and Bar 食 Brunch ♥
　



餐廳位於尖沙咀棉登徑5-6號舖地下，都幾易搵！
入門口前，有塊黑板清楚列明餐廳既開放時間，每日既12點pm 先正式開！

　

由於今日係星期六，所以個menu 係 brunch buffet;
聽講平日(星期一至五) 係有lunch set 的 !

menu 上既價錢都好合理，
除左有個main course 之外，出面有 appetizers 自己隨意揀！

　   

話明係 brunch buffet， appetizers 當然係任食啦!!
落左單之後，我就出去睇睇，出面既食物都幾豐富，有沙律、芝士、甜品等 =]

　

沙律、芝士、甜品都擺得好靚，而且感覺超新鮮！

 　　

因為最近食得太多肥膩野，所以我"筆"左好多蔬菜類haha!!
大量西芹、生果，粟米等；再加芝士、parma ham 、餐包等等！
樣樣都很fresh，好健康 =]

 　

食完appetizers 後，職員就為我地送上main course !
我就點左個 ♥ 菠蘿意腸茸烤脆皮比薩 ♥

個pizza 係薄批，而 pizza 上面既材料十分豐富！
菠蘿好甜，意腸茸好香，而芝士又唔會太濃味掩蓋其他材料既味道。

　  

另外一個係燴牛仔膝意大利飯，
個 risotto 真係超正，一 d 都唔會好creamy、好膩，但又有奶油般濃郁的味道。
而塊牛仔膝肉好大塊，肉質嫩滑，口感很正 =]
   

食完個 main course，基本上已經很多飽肚感！！
所以甜品我只食左個cake + 1 粒macaron ，再加大量西芹。
d 西芹真係好爽好脆，同埋好新鮮，值得我留返 quota 食多轉 =]


不論環境/食物質素/服務方面，整體感覺OK。
下次應該會再來試第 2 款 main course 的 ！！