♥ Tulsi & Wine Fusion 菜 ♥

早幾日，好友為左慶祝我轉左返新工，咁岩大家都係港島區返工，
就話不如試下搵晚放工留在港島食晚飯，結果當晚就即興去左西環既 Tulsi & Wine ♥
地點超方便，西營盤站C出口右轉直行 2-3 分鐘就到，勁快！
　  



上網 search 過，呢間餐廳有多國菜食，eg. 泰國菜 /印度菜，
我同朋友睇過 d 相之後都想食下薄餅、 沙嗲雞肉串等，所以就決定黎到呢度！

餐廳有個酒吧，好正！　

 　　

先睇睇個餐牌，
可以叫set dinner，包餐湯/沙律＋烤包＋main＋飲品，
以呢一區黎講，價錢望落一d都唔貴，相反我覺得有d抵既感覺！

 

除左set dinner，亦可以散叫；
款式多多，同樣價錢都好合理。

　

我地叫左2個 set dinner，
揀左 1 個沙律，1 碗南瓜湯 =]

我飲左碗南瓜湯，夠濃味，感覺好健康 tim !

   

之後黎左烤包，烤包應該係新鮮即製，
吃上口好鬆好軟，但又有脆既口感，一個字正！

至於沙嗲雞肉串，雞肉十分香脆嫩滑，唔會有"鞋"既感覺，
大家記住一定要點佢隔離碟沙爹醬，可令肉串既味道更加突出，可口！

　

個 main dish 我同朋友都點左個海鮮拼盤！
海鮮拼盤包括：龍蝦x1(一開二)、蜆、蝦漢堡x2、香煎鱸魚x2、燒蠔x4~

龍蝦：好彈牙，而且食落啖啖肉，好足料！
蝦漢堡：蝦餅夠熱，夠脆，唔錯！
蜆：蜆肉新鮮，連 d 蜆湯都有蜆肉既鮮味呢=]
香煎鱸魚：魚十分嫩滑、多汁，ok 好食。

燒蠔：蠔就略嫌細隻左d，不過它亦好鮮甜，覺得不夠喉。
　　

另外我地點左個黑松露蘑姑忌廉意大利飯，
它超熱，忌廉味十分濃郁但又唔會太heavy，而姑味亦新鮮，
不過就好似冇乜黑松露，如果黑松露多d 就perfect =]

 

慶祝我轉左返新工，就當然要開返枝酒飲下啦！
粉紅色既酒，唔算好勁/好酒精，適合唔識飲酒既我haha！

   

下次有機會，再同朋友食其他野先！希望唔洗成日OT 啦 ><