♥ OPPA 韓國燒肉店 ♥

一直都好中意食韓國野 =]
最近中意食韓國野既朋友咁岩得閒，而且我地又好耐冇見，
所以大家都約左星期六去旺角洗衣街間 OPPA 韓國燒肉店度食，聽講好出名，經常要排隊！
　　　



由於我個朋友唔想排隊，所以寧願早D去食，
結果我地做左第一批去食既顧客 (5:30pm-7:30pm 第一段時間)。

當時就唔算好多人，不過當我地食到6pm 就開始full 左，出面d人已經要排隊！
　

一坐低就當然睇睇 menu 先啦=]
不論係燒既、熟既，都款式多多，好多選擇！
　  

未點菜前，職員先為我地奉上前菜 / 配料。

 

點左菜後，很快 "安格斯肉眼扒" 就黎左，
呢個"安格斯肉眼扒" 足足有成250g，肥膏唔算太多，睇上黎都好似勁新鮮！
　

我就將肉眼扒同昆布、辣椒、生蒜等等放在一起，
並撈少少醬料，再用生菜包住黎食，別有一番風味，
生菜好脆，而入面的肉眼扒同其他配料加埋一齊都好食，唔會太辣，仲好爽口tim！

  　

另外，我地點左 "牛排骨"，呢個""牛排骨" 同樣有250g，
不過唔知點解好似比起頭先果個感覺上多肉d，而且有我中意既芝麻 =]
   

職員超好人，幫我地燒得好靚，
這牛排骨肉質鮮嫩，十分厚身，所以吃落彈牙又有口感！

　　　

除了燒肉外，我地亦點左個 "人蔘雞湯"。
　　　

這人蔘雞湯的材料十分充足，
不但人蔘既味道好香，當中既雞肉都好軟、好嫩，好值得推介！

　

另外，我個朋友話驚唔夠飽，
係都要叫個多 "部隊湯麵"，我見隔離枱果碗好正，所以都點左 =]

 　　

呢個 "部隊湯麵" $58，但超大碗，
d 料都十分之多，夠哂 Rich，真係好抵！

午餐肉超厚身，而 d 湯同d 麵又唔算好辣，完全岩哂唔太食得辣既我食=]