♥ Chez Bistro ♥

早幾日同朋友去銅鑼灣百樂中心食飯～
好彩上星期已經 book 左 Chez Bistro，所以一去到就有位！
　  

　　
　
我地一人一個 set dinner =]
一坐低，侍應好快遞上餐包比我地~
　

餐包熱而鬆軟，好香～
　

　
　
之後黎個冷盤海鮮！
超正呀，帶子同生蠔鮮味十足～
而螺肉、鮑魚、鮮蝦既肉質都好爽口、彈牙！
　　

　
　
之後一人一個鵝肝沙律～
鵝肝味道相當濃郁，同下面個甜橙味道相當配合，超好食！
不過個鵝肝有點膩，食完好有罪疚感！

　

　
　
之後黎左 2 碗湯 ~
我要左法國洋蔥湯，洋蔥味十分濃郁，每一啖都有強烈洋蔥味，帶有少辣～
朋友要左周打蜆肉忌廉湯，忌廉湯底好香滑，飲完好溫暖=]
 

　
　
朋友點左個肉眼扒，牛扒烤得好香～
肉質非常嫩滑，而且份量十足，牛味重，食落啖啖肉，唔錯！

　

　
　
而我就點左個炭燒伊利比亞橡果豬配燒汁～
聽職員講，佢係大有來頭的，被譽為「豬中之王」。
呢道炭燒黑毛豬，食落不但有口感、味道香，最重要係食完唔覺得肥膩呢，值得推介！

　

 　　
　
最後黎埋個甜品，有 cheese cake 同 creme brulee ~
cheese cake 比較硬身，我麻麻地；creme brulee 甜度岩岩好！