2017年3月10日 星期五

♥ 餃掂手工餃子雲吞專門店 ♥  

平時成日經過呢間餃掂手工餃子雲吞專門店,
今晚見冇咩人排隊,就一於去食下!
 

 
 
被安排座位後,就見到一大樽醃菜~
佢入面有好多種類!
  

 
 
最中意酸蘿蔔,開胃又爽口!
  



枱上放左好多醬料,有醋、醬油、而辣椒醬都有兩款選擇~
  

 
 
menu 上有多款餃子,亦有麵類/ 前菜!
 



先點左杯自家制雪梨水解渴,入口酸酸甜甜,
杯中的雪梨水好清,睇落真係純正自家制,味道唔錯!
  



前菜叫左個黃金皮蛋,色澤好靚,蛋黃味濃郁!
 

 
 
另一個前菜叫左酸辣雲耳~
酸酸辣辣又爽口,好惹味!
  

 
 
之後主角就黎喇!!
就係至尊松茸灼餃,松茸餃係呢度招牌菜,餃子的松茸味濃郁,豬肉份量超多!
而且餃子包得結實,皮唔會太厚太薄,唔錯 =]
 
另外,叫松茸餃會跟一碗狀元九鼎湯,
呢碗九鼎湯超正,完全冇味精,又好老火,味道岩岩好。
   

 
 
一款餃子當然唔夠食,另外叫左至尊松茸煎餃子~
呢個煎餃子超好味,同樣餃子包得結實,而且外皮卜卜脆,正!
同樣都會跟一碗狀元九鼎湯,同朋友一人一碗好溫暖~
  

沒有留言:

張貼留言