♥ 樂天皇朝 ♥

今晚約左2位大學好友食飯～
由於大家都係港島區返工，餐飯都離唔開係灣仔、銅鑼灣地區。
最後臨放工就決定去樂天皇朝食dinner。
 　

　　
　
樂天皇朝每次都必叫八色小籠包 !!
　
每一種顏色都有唔同既味道，依次序食就係：
原味、人參、鵝肝、黑松露、芝士、蟹粉、蒜香及麻辣。 
　
雖然食既次序係好重要，因為味道要由淡到濃咁食先可以忠實地呈現出來～
不過我地都係隨心食，冇話特別跟次序。
　
最中意係原味、鵝肝、黑松露、芝士，味道好特別！
　　

 
  
另外點左個皇朝話梅骨，
酸酸甜甜幾好食，又開胃，大家都係咁食～

　

 　
 　
鮮肉水餃都好唔錯，豬肉份量好多，
而且包得好結實，皮唔會太厚太薄，唔錯 =]
　　　

　
　
另外點左個黃魚豆腐湯，
入面除左一大條黃魚之外，仲有好多咸菜、豆腐～
湯就有少少咸、又有少少辣，應該落左胡椒粉，個人都幾中意，因為平時好少飲到。

　 　

　
　
點左個菜食，d 根好爽，有口感 ～ 不過略縑有少少油膩感。
 　

　
　
最後黎埋個揚洲炒飯～
份量好多，我地３個女仔最後都食唔哂。
入面好足料， 蝦肉十分爽口、彈牙，叉燒甜而唔乾，而且炒得好夠鑊氣，唔錯！

　 　

 　

　

平均每人$200，價錢合理，食物質素ＯＫ，環境舒服，傾計聚舊唔錯既選擇。