♥ 奈良上釜 ♥

今晚終於都食到奈良上釜 !! 好感動～
每次經過都勁多人，所以每次朋友都話下次先食～ 今晚終於都叫做少左人排隊，所以等左大約15分鐘就可以喇 =]
 

　
　
一入到去先睇menu~

 　

　
　
個menu 好多野食，有釜飯、蕎麥麵、天婦羅等～

 　

　
　
我同朋友一人一個釜飯～
　
我點左個奈良七盛釜飯套餐，先黎前菜、沙律、刺身等～
有醃物、醃蘿蔔，佢地都唔會過酸，食落好開胃；麻醬豆腐好滑，如果份量多ｄ就好！
而蒸蛋入面超多料，有蝦肉、鮮蟹肉、三文魚子、冬菇同黑松露等，口感超豐富～
　
另外刺身有油甘魚、吞拿魚同甜蝦，非常新鮮；
煮物就有冬菇煮南瓜，味道唔錯，特別係南瓜，好甜呀！

　 　　

　
　
之後就黎我個七盛釜飯，套餐有跟三文魚子、麵豉湯、生果～
　
一打開七盛釜飯，好多蒸氣，海鮮鮮味湧出！
七盛釜飯用左四款海鮮同三款菇葉煮製，材料有：鮑魚、大蝦、鮮蟹肉、冬菇、 本菇等等～
　
海鮮味既珍珠飯，好鮮甜，雖然淡淡地，不過勝在感覺健康；
另外，食到底會有飯焦，好香脆，唔錯！
　　

　
　
而朋友就點左蟹釡飯～
打開後，見到勁多蟹肉！
撈勻後，蟹味更香味濃郁，鮮味散發，每一啖都有蟹肉，正！

 　

　
　
朋友仲將三文魚子倒埋入去再撈，好滿足！

 　

 　
 　
overall 環境、服務、 衛生、味道都唔錯，不過就貴左少少～