♥ 好一鍋海鮮火鍋 ♥

臨近聖誕，超多 gathering 活動，最好就係打邊爐~
由於我冇咩主見，所以當朋友話試下佐敦新開既 " 好一鍋海鮮火鍋 "，我都ok~
一去到發現原來係任食，價錢$158 加一 ~
如果7點30前埋單/ 9點半後入座，$138咋！好抵～
　　

 　
　
一坐底，職員先奉上調味料比我地撈 ～

   　

　
　
然後我去拎野飲，任飲的～
有我最中意既忌廉鮮奶呀！！

 　

　
　
另外，職員免費送上竹庶茅根水比我地，清熱解毒！

 　

　
　
我地點左個鴛鴦鍋，
一邊係蕃茄薯仔，另一邊個鯊魚骨猴頭菇湯底～
d 料好足，好有份量！

 　

　
　
我地額外加錢食呢個肥牛，加$128。

大大碟，切得勁有心思，肉味好鮮嫩，而且冇咩肥膏，真心正～

 　

　
　
如果任食既手切肥牛都唔錯，同樣都唔算多肥膏～
只不過我朋友對牛既要求特別高，佢係都要加錢食靚野。

 　

　
　
丸類不過不失，大部分都好爽口、彈牙！
芝心丸要特別推介，D 芝士流出黎超正，又唔會太膩~

 　

　
　
另外亦點左牛骨髓，好爽滑！

 　

　
　
呢度仲有海蝦任食，蝦肉鮮美，清甜～

 　

　
　
PS. 值得一提既係呢度D 菜好乾淨!!!
平時打邊爐，都係比 D 爛菜我 = =
呢間D 菜洗得乾淨之餘，你唔會覺得係爛咖囉，而且好多選擇，我食左菜芯同芥蘭都係正～

 　　

　
　
最後埋單 $158 加一，加碟$128既牛。

AROUND 每人$ 240，一 D 都唔貴，任飲任食仲比你坐足2.5個鐘，同FRD 吹水一流!