♥ Bingo & Cook ♥

最近睇得韓劇多，攪到好想食韓國野！
於是就同岩岩考完試既朋友黎到 Bingo & Cook 一齊食 =] 
 　

　
 　
一黎到間餐廳，見到裝修都幾靚，坐得都舒服 ～

  　

　
　
職員好快遞上 2 杯南瓜湯，送比我地，超香南瓜味，有d creamy！

　 　　

　
　
我地點左個 - 醬油海蝦燉雞 ~
　
d 料好足，擺到成個鍋都滿哂；
見到原隻燉雞，雞肉好嫩，海蝦大大隻，好彈牙，仲有幾粒大既翡翠螺，超爽口～
另外，粉絲吸哂湯變得好入味，值得一試！ 　

 　　　

　
　
另外我地亦點左個部隊雞鍋，同樣十分豐富、足料，
有：雞、韓國年糕、韓國公仔麵、午餐肉、腸仔、蔥等
　
其實食完覺得好邪惡，不過冬天又真係好中意食鍋類食物！ 　　

　
　
另外點左杯 yogurt smoothie，酸酸甜甜幾好飲 =]

  　

　
　
最後埋單每人 $250 到，
環境舒服得黎食物又唔錯，而且可以坐好耐唔會比人趕，傾計傾得好開心 =]