♥ 老川皇 ♥

來到旺角，好朋友話想食川菜，
上 OPENRICE 睇睇有咩想食，於是就揀左老川皇試下。




不過由於我唔食得太辣，所以我地就決定唔叫辣鍋 / 水煮魚果類！

　

點左口水雞，
它集 "麻辣、醋香開胃、香嫩、爽口" 於一身的四川口水雞，
碟雞比想像中大碟，而且肉質鮮嫩，唔多骨，食上口都啖啖肉 =]
    

之後就黎一個蔥爆牛肉，
超中意食大蔥，因為佢當中既蒜素可以提升免疫力 =p

蔥爆醬香加上鮮嫩滑口既牛肉，一個字正！
　　

最後點多個餸，姜葱炒田雞。

職員放低後已經聞到好香，
田雞肉質細膩、鮮甜，又有姜葱提香，超開胃，我地連汁撈飯 =]

    

呢度環境ok，上菜速度快，價錢整體都算合理！
茶位要$5，我地唔想飲茶，叫水飲，點知水都要收錢就真係有d 過份囉，下次我會自己帶水上去飲！