♥ ATUM Restaurant ♥

最近食過 ATUM Desserant，餐廳係以甜品畫畫最為人熟悉！
聽朋友講原來仲有間 ATUM Restaurant，位於尖沙咀 K11，
原來呢度除左甜品之外，仲提供午餐、下午茶及晚餐等！

　
同朋友行街行到攰，於是就試下 ATUM Restaurant 既 dinner =]
當日6點到，天仲未黑，餐廳入面都係好多位，就咁walk in 都有位。
　

　

　
行街行到口渴，於是每人叫左杯野飲先！
　
菠蘿香茅薑味梳打、士多啤梨西柚梳打～
佢地係無酒精飲品，飲落好清新、冰涼，而且好解渴 =]

　

　
　
之後就黎 d 餐包，餐包好脆口，好開胃！

　　

　
　
點左個西瓜沙律，佢既賣相好靚！
入面有羊奶芝士、話梅、醃蕃茄  =]
　
西瓜食落超清甜，好多汁；
而醃蕃茄浸咗話梅水，所以食落咸咸地，不過唔會遮蓋醃蕃茄本身既酸味，呢個配搭好新鮮！ 
　
另外，羊奶芝士一d 都唔會羶，本身怕羶既我都接受到呢 ～

　

　
　
點左２個主菜，其中一個係虎蝦 ‧ 櫻花蝦意大利粉！
　
賣相一睇就覺得好正，
因為除左有兩隻大虎蝦，意粉上仲有唔少細細粒櫻花蝦，令意粉更加睇落去更有藝術美～
　
意粉既蝦味好濃郁， 仲有車厘茄、黑椒、洋蔥等調味，
加上虎蝦啖啖肉，好滿足！！！
　　

　

　
另一個主菜憬厚燒豬腩肉配檸檬薏米～
　
個樣睇落好似 risotto 咁，好特別！
薏米creamy 得黎好有咬感，粒粒都好彈牙，
平時薏米都係煲水飲，未試過咁食法，感覺好奇妙！
　
厚燒腩肉塊肉堅厚，食上口都幾嫩滑，肉質唔算太肥膩～
　　

　
　
最後埋單$569，有d 貴，不過味道同服務都幾好，值得一試既～