♥ ATUM Desserant ♥

之前見朋友去 ATUM，就已經覺得好正！
於是趁住同男朋友一起2000日，就去慶祝一下 =]
不過事先要 3-4星期前 book 枱，因為真係好full 的，去到walk in 未必有位。
一去到就揀左二人份量 - Improvisation($348)果款，會包兩杯飲品的。

好快，職員先為我地送上 2 支test tube size 既番石榴汁，
佢可以清新口腔，同埋喚醒下味覺！
　



之後就有3塊黑、白、灰既膠片，
三選一，用作墊枱用既墊膠，最後我揀左白色膠片！ 　

　　

之後職員問我地有冇d 咩唔食，就開始畫畫 =]

店內有幾款果汁醬，分別為白、紫、粉紅、啡色和黃色；
白色是椰子、紫色是香芋、粉紅色是桃、啡色是朱古力、黃色是芒果！

　

之後，職員再灑下芒果糖粉和士多啤梨糖粉，
配合朱古力奶凍、綠茶糯米磁、野莓乾、藍莓等，形成立體既藝術畫！

去到尾聲，職員示範用-190度既液態氮，0係鐵盤中打磨，將液體撈成雪糕 =]
在製作過程中，液態氮好似d 乾冰咁，釋出煙霧，好靚！

　

煙霧散開後，就見到菠蘿雪葩同埋黑朱古力竹炭雪糕！
　　

職員再加上粉紅色龍鬚糖，慶祝我地既2000日 =]
ps. 最好先食兩款雪糕雪葩，再食其他甜點，因為雪糕會快溶！

　　　

最後，我地揀左 2 杯飲品。
紅桑子士多啤梨茶味道清香，帶少少酸，可以減卻甜品帶來既膩感!

而男朋友就揀左洋甘菊薰衣草茶，好消滯及有清熱既感覺呢！