♥ The Pudding Nouvea ♥

最近好朋友被調來港島區工作，難得佢又得閒同我食飯，
於是我就帶佢黎到大坑既  The Pudding Nouvea ♥
 



見到 menu 有龍蝦食，侍應推介話係新推出，
朋友見到相都流哂口水，所以唔理，即刻 order =]

♥ 龍蝦焦糖燉蛋配龍蝦肉燒蘑菇 ♥ $248

木板上有放左半隻釀入龍蝦汁蘑菇既龍蝦、一盤龍蝦焦糖燉蛋，以及三塊麵包片，
單睇賣相，已經十分吸引 ﹗

龍蝦肉係預先拆左的，配以龍蝦汁熬既醬汁，
所以食上口龍蝦肉啖啖濃郁，而且好爽口、彈牙 =]

麵包片烘得好香脆、可口，我中意將龍蝦肉放上去食，香脆又濃郁，好滋味。

而焦糖燉蛋，面層焦糖糖衣好脆，燉蛋香滑、細緻，而且竟然有龍蝦汁既味道，好驚喜 ！
 　

食完 d 鹹野，就食返甜品啦 =]

♥ 黑芝麻梳乎厘配自家製黑芝麻雪糕 ♥ $98

黑芝麻梳乎厘、黑芝麻醬、黑芝麻味雪糕，加加埋埋就係好濃既黑芝麻香味！
我超中意，而成個甜品都唔會太甜 =]

梳乎厘軟綿綿，加上oero / 脆片等，食落有另一番新感受。 　

　

最後order 左 2 杯野飲，傾計傾足成晚！
我揀左朱古力奶昔，香濃朱古力奶味，質感幼滑可口，好正 =]
而佢就話個士多啤梨沙冰，酸酸甜甜，味道好特別。