♥ 紫蘭花 ♥

早幾日要OT，於是 7 點幾跟同事落公司樓下食晚飯，
諗住食 d 經濟抵食既，所以就來到紫蘭花！
　



食泰國野，就梗係要點個無骨鳳爪啦！
呢個無骨鳳爪真係岩哂我，因為沒想像中咁辣，而且酸酸地，好開胃 =]

   

同事點左個黃咖哩雞扒飯，
份量十足，黃咖哩相當入味，而雞扒肉煎得好香，同事話好滿足！

 　

而我就不嬲鍾情於金邊粉，每次食泰國野必定會點 =]
金邊粉配上鮮蝦 + 雞，加上豆腐乾、蛋、花生碎，濃濃的鍋香味，正！

另外我地諗住晚餐食多少少，所以點左 2 串燒。

蝦肉串燒 d 蝦大大粒，而且十分爽口彈牙。
 

而雞翼串燒 d 雞翼十分香脆，我忍唔住連皮食！
加上 d 甜酸醬，好滋味 =]