♥ 櫻木 ♥

同事最近唔開心，約我食飯傾心事～
於是近近地去左公司附近果幢 The Hennessy 3 樓既櫻木食 dinner。
   　　

　
　
一開始先黎卷物～
軟殼蟹牛油果卷材料豐富，
份量十足，唔係hea既貨色，入口好有實在感！

　
　
同軟殼蟹牛油果卷價錢一樣既蔥粒吞拿魚腩卷就比較遜色～
細粒之餘塊紫菜好快就唔脆。。。而且吞拿魚腩唔均勻，有d 少左咁！
　　　

　
　
明太子炒露荀～
　
露荀超翠綠新鮮，而且非常爽口；明太子咸咸地幾惹味。

　
　
牛肉稻庭烏冬～
稻庭烏冬滑溜非常，而且塊安格斯牛肉好鮮嫩，正！

　　

　
　
清酒煮蜆，
蜆肉超大粒，而且鮮甜肥美！

 　

　
　
串燒咸香得宜，點左雞翼同雞軟骨～

　
　
最後黎個海膽蒸蛋先叫滿足！

海膽新鮮，而個蒸蛋好 creamy，好中意個滑滑既質感 =]
 　

　
　
OVERALL 小評：
　　　　　 
味道：★★★★☆
環境：★★★★★
服務：★★★★☆
衛生：★★★★★
抵食：★★★☆☆