♥ 聚一醉火鍋小館 ♥

秋冬來到了，呢個季節最適合就係打邊爐，
早幾日等朋友放工，之後就黎到紅磡既聚一醉火鍋小館食返餐好！！
　　　　　

　
　
坐低後，職員遞上多款醬料比我地～
呢度d醬料，我最中意就係香蔥、蒜泥、小辣椒等！
　　　

　
　
朋友話工作辛苦過後，一定要食返餐好，所以我地都點左唔少野食！

　

　
　
我地點左個鴛鴦湯底，
左邊係醉雞湯底、而右邊係蕃茄湯底。
　　

　
　
碟花雕醉雞係分開上既，雞既份量好多，食上口一 d 都唔"鞋"，味道唔錯！
　　

　
　
另外我地點左牛頸脊～
　
超推介！！
牛肉一 d 都唔肥，肉質鮮嫩，而且牛味十分濃郁，值得一試～

　

　
　
丸類點左芝心蝦丸，
咬上口十分彈牙，而且裡面既芝士汁好香！

　　

　

　
另外，超中意個響鈴！
因為其實我本人係好中意脆卜卜既食物，
呢個響鈴生食又得，淥少少滾水再食都OK =]
　
響鈴入面特登放左紫菜，所以同平時食既響鈴有分別咖！
　　

　
　
牛柳粒大大粒，不過比較多脂肪，我就麻麻地。

　　

　
　
另外，我地亦點左 d 翡翠蚌，超新鮮、爽口，正！

　　

　
　
打邊爐當然唔少得食菜啦，呢度既菜都好多款，而且仲好靚好綠～
唔似有 d 酒樓成日比d 爛菜 / 洗唔乾淨既菜，得個hea字！

　

　
　
特別一提，呢度有竹蔗芧根水，
可以清熱解毒，食左咁多野，飲返啖竹蔗芧根水，份外覺得清甜、冰涼！