♥ ATUM Restaurant ♥

最近好朋友生日，生日一星期前問佢想食咩，
佢話想食 ATUM Restaurant ，於是就 book 定位，費時驚到時 walk in 冇位啦 ~
 　

　

　
一坐低就黎左 d 餐包先，餐包岩岩烘完，好脆口！

　　

　
　
之後我地點左個玫瑰喬麥茶，
清新玫瑰味的感覺，飲落口覺得好養生，健康 =]

 　

　
　
之後點左個蟹肉。菊花。柚子沙律，
食落啖啖蟹肉，加上柚子酸酸甜甜，十分開胃醒神！

　

　
　
另外，點左個炸甜蕃薯條，
看似超級熱氣，但其實食落又唔算！
甜甜既蕃薯條，配上特製沙律醬，夠香又可口～

　

　　
之後點左２個主菜，
巴馬火腿、蛋、煙肉忌廉意大利粉～
　
乾身左既巴馬火腿好有咬感，蛋同煙肉唔算太特別，
不過個意大利粉個形狀好得意，同平時果d 長條意粉好唔同～
　　
整體食落唔會太creamy，唔錯！

　

　
　
至於另一個主菜：
燒八爪魚、墨汁脆片、西班牙辣肉腸、米型粉

　
八爪魚十分煙韌、彈牙，加上西斑牙辣肉腸，味道十分配合！
另外，餐廳專登將墨汁脆片整到個網狀咁，令碟主菜帶有藝術美感。
　　

　
　
最後埋單around $600，
環境舒服、食物水準唔錯，呢個價錢請好朋友食個生日飯，都唔算貴～