2016年7月17日 星期日

♥ THE LIVE HOUSE ♥ 

今晚同好朋友去左旺角行街,到左夜晚 7 點幾肚餓要食飯,
行行下見到有間餐廳,好朋友即慶話不如試下,於是落去問有冇位。




落到去,等左15分鐘先有位食!
餐廳入面男女老幼,一大班朋友 / 一家大細都有,
入面好有氣氛,仲播放好多好HIT 的英文歌。
 



由於行街行到好口渴,即 order 2 杯橙汁!
 



之後就點左main - 安格斯西冷,7成熟。
賣相豐富,塊牛扒超大塊,而且非常多汁;
牛扒底有蕃茄、薯仔、秋葵,好健康、飽肚!




切開塊牛扒時,發現有d 筋,
不過 overall 食落口都算鮮嫩,不過不失。
 



另外我地加左$38 食芝士乳酪薯條!
唔好講笑,呢個堅好食,d 薯條 加埋芝士被炸到脆脆,
再點上乳酪醬,味道出奇地十分配。

ps. 初初有d 怕乳酪醬會好酸,但竟然又冇 wor =]
   



另外,我地亦食左個白酒青口燴意大利飯。

青口好大隻,非常鮮甜,
而意大利飯軟硬度適中,加上白酒、茄醬味道濃郁,食到一半已經有飽肚感,唔錯唔錯!
 



食左around $500,依家出街食飯真係有d 貴,
不過難得見到好朋友,當有個地方食下飯傾下計都值既 =]
 

沒有留言:

張貼留言