♥ 雋太日本料理 ♥

早前入左元朗參觀朋友新居，之後就一齊食 DINNER。

一早BOOK 左食呢間 - 雋太日本料理放題，所以事先大家都留定肚=]
  



我地 BOOK 左 6:15 PM 時段，每位 $228 +10%。

   

先黎刺身，每樣都切到細細件，可能餐廳驚我地浪費 ><
不過刺身黎講，都算新鮮，最中意帶子、三文魚！

 　

之後就黎芝士燒蠔，d 芝士好流，不過掩蓋唔到蠔既鮮甜！

　  

雋太有多款壽司：
芥辣八爪魚、螺肉、鰻魚、海膽黑松露花之戀 =]

朋友超中意食海膽，所以係咁 encore 個海膽黑松露花之戀！

 

蝦肉天婦羅炸得好脆口，係有d 熱氣，不過最梗要食得開心！　

 　

之後就黎我最愛既串燒， 全部都燒得剛好，調味唔會過咸 / 淡味 。

 　

另外，呢度最特別係有個韓式蒸多層活海鮮鍋！

 

一共有 3 層，
有帶子、蜆、蝦、南瓜、豬骨湯！

最正係個豬骨湯，超濃味，而且都筆到滿滿既 4 碗，份量岩岩好 =]

  　

 　
　
最後仲有MOVENPICK 雪糕食TIM =]
不過每人只限一杯，要多都冇 !