♥ Seoulmate Cafe ♥

尋晚同舊同事食飯，約好左銅鑼灣之後，佢帶左我黎 Seoulmate Cafe 食~
　　

　
　
一坐低，先每人叫左杯野飲，我叫左杯紫薯 latte！
極度推介，紫薯味超級濃郁，真心覺得好飲，中意紫薯既朋友必點～

　

　
　
而朋友就點左杯棉花糖朱古力～
賣相好ok，不過當飲既時候，要將d 棉花糖撥開，如果唔係會好甜。
朱古力濃厚香滑，唔錯！

 　　

　
　
叫左個小食，柚子橄欖海鮮沙律+脆薯網沙律菜+車厘茄～
　
食落好fresh，柚子清甜、開胃；
脆薯網十分香脆，好似以前細個食果d 童星點心麵～
脆薯網上仲鋪上芝士，好滿足！
　　

　
　
主食要左個海鮮魚子忌廉意粉～
　
一望就知道正！
首先，d 忌廉超濃滑，意粉吸收哂忌廉汁，仲好爽口，份量亦唔少 =]
上面仲有勁多海鮮，eg. 墨魚、蝦、貝柱等，新鮮彈牙；配上半熟蛋，口感極豐富！

 　

　
　
另一個就係 Seoulmate 泡菜炒飯，舊雲真係超超超得意！
這舊雲係蛋白梳孚厘，放上紫菜做眼、耳、囗、鼻，賣相100分 =]
  

　
　
而蛋白入面，就係泡菜流心蛋炒飯，
飯既份量好多，泡菜味濃郁，少辣不鹹，
所以相比之下，蛋白味淡左少少，如果濃 d 會好d ！

　

　
　
最後我地仲點左個甜品，叫"白色朱古力中秘密" ~

 　

　
　
入面好多 oreo 餅碎，仲有綠茶慕絲 ~

外殼白朱古力就帶點甜！
　

OVERALL 小評：
　　
味道：★★★★☆
環境：★★★★★
服務：★★★★★
衛生：★★★★★
抵食：★★★★☆