♥ 京林屋 ♥

今晚約左個好耐冇見既朋友黎銅鑼灣行街 =]
行到咁上下，佢話不如食京林屋，見唔係好多人排隊，就一於等一陣～
等左AROUND 10-15分鐘已經有位，好好彩！
　

　
　
我地點左２個熟食～
朋友想要清淡，話留肚食甜品，所以叫左個"讚岐烏冬"！
烏冬出奇地滑溜，而且爽口彈牙，朋友一路食一路讚話好耐都冇食過咁正既烏冬 =]

 　　

　
　
而我就點左個"林屋和食料理"～
　
賣相非常吸引，睇落超精緻！
配菜既小食有：醃魚、墨魚粒、帶子、魚仔乾、芝士魚餅。
另外，仲有麵豉湯，醃蘿蔔，仲有焙茶飯，入口飯粒有烤烘香味，正！

　 　

　
　
呢２個主食，包埋自選茶~
我地揀左熱葡萄煎茶、桃味焙茶，有水果味既茶飲落非常清新 =]

 

　
　
之後我地仲點左２個甜品share ~
一個係"香港限定芭菲"，大大杯，好有層次感！
　　
材料非常豐富，
上層係軟身抹茶雪糕，蕨餅同白玉；
中間有抹茶雪糕、紅豆蓉、CREAM等！
　
overall，最中意就係：抹茶雪糕，蕨餅、紅豆蓉～
好香抹茶味，配上紅豆簡直係perfect match！
　

 　

　
另一個甜品大家share 就係 " 玉露 - 紅豆白玉" ~
　
玉露非常甘香！！！
另配有蕨餅、紅豆、白玉作組合；
每食完甜點後，再飲玉露，會 feel 到又甘又甜，好特別既體驗 =]

  　

　
　
最後，朋友話要叫多杯野飲先夠喉，佢揀左焙茶牛奶忌廉！
超水準既味道，幼滑中帶有濃郁既焙茶，100分佢話比足100分worrr =]
 　

　
　
最後埋單每人around $200 幾，都叫 ok la.
　
OVERALL 小評：
　　　
味道：★★★★★
環境：★★★★★
服務：★★★★☆
衛生：★★★★★
抵食：★★★★☆