♥ 蕎道樂居酒屋 ♥

今晚放工諗住同朋友食完飯先慢慢行 SOGO，
於是就去左附近既地庫新開果間 "蕎道樂居酒屋" 食飯～
　

　
　
一去到，朋友睇完menu發現個二人套餐唔錯～
所以我地order 左佢，再 extra 加少少壽司！

 　

　
　
around 7點到，未算好多人～
見到只有一、兩張枱食緊。
　

　
　
很快就黎左個軟殼蟹蟹子沙律～
唔好講笑，隻軟殼蟹超大隻，而且好香脆！
蟹子沙律既青瓜絲/蟹柳撈得唔錯 =]

 　

　
　
之後就到刺身，
有三文魚、油甘魚、帶子、甜蝦！
樣樣都好肥美、新鮮，朋友不停讚好~

　
　
之後不得了，就係鵝肝多士～
充滿罪疚感，但真係忍唔住！！
　
鵝肝大大件兼厚身，煎得甘香，入口油香到不得了；
另外，塊多士十分脆口，又滲有少少油脂，正！！

 　

　
　
燒汁露筍牛肉卷，露筍鮮嫩、無渣，
另外牛肉嫩腍，上面既燒汁食到香濃惹味。
 　

　
　
壽司拼盤有：
花之戀、池魚王、左口魚邊、蔥吞拿魚卷～ 另外我地叫左芥辣八爪魚!
overall，擺得幾靚，而且用料新鮮，最中意係蔥吞拿魚卷！

 　

　
最後個套餐仲有個磯燒鮑魚海鮮鍋 ～
　
超正，有兩大隻磯燒鮑魚，絕對唔hea。
另外，仲有青口、大蝦、帶子等，豐富用料～
鮑魚真心正，煙韌，有咬口感，大蝦爽甜！
　　

　
　
最後甜品係 2粒馬卡龍，初初以為係雪米磁～
估唔到有驚喜，馬卡龍唔算好甜，又易入口，唔錯！

　

　
　
OVERALL 小評：
　　　  　
味道：★★★★☆
環境：★★★★★
服務：★★★★★
衛生：★★★★☆
抵食：★★★★☆