♥ 花月居酒屋 ♥

今晚好友約左我食飯，帶左我黎尖東～
後尾先知原來係加連威老道既希爾頓大廈既花月居酒屋！
印象中好耐之前好似食過，食物質素係唔錯的 =]
 　

　
　
我地點左個雜錦刺身拼盤~
刺身有：三文魚腩、吞拿魚、劍魚、八爪魚。
　
賣相一睇就知高質素，樣樣都好肥美，特別推介：吞拿魚、劍魚！
　
個吞拿魚真係好正，厚切，而且有入口即溶既感覺；
劍魚同樣切得好厚，仲好有口感，魚油慢慢滲落口中，NICE =]

  　

　
　
另外仲點左個芥辣八爪魚～
朋友最中意果種刺激、辛辣，令人精神為之一陣既芥辣味道，好開胃！
　　　　

　
　
炸豆腐外脆內滑，愈食愈滋味！

 　

　
　
炸魚餅酥脆既外皮，仲有用料好實在既內餡，
食到鮮美多層次既口感，每一啖都令人感到大滿足 ~

 　

　
　
喜次魚一夜干口感鹹香，
非常肥美，油脂豐腴，正！

　

　
　
OVERALL 小評：
　　　　 
味道：★★★★★
環境：★★★★★
服務：★★★★★
衛生：★★★★★
抵食：★★★★☆