♥ 手卷野村 ♥

成日0係紅磡火車站行落黎去尖東就會經過呢間手卷野村～
今晚朋友話不如掃街當飯食，其中一間我地就係去左呢度！
　

　
　
黎呢度緊係要點最吸晴既激満海膽杯！
　
上邊鋪滿晒一層又一層既海膽，
而下邊仲有d 吞拿魚茸、帶子、蟹肉、三文魚子，全部都係我最愛！
　
海膽非常鮮美，店員提我已經落咗海膽醬油，所以連豉油都唔使落 =] 好滿足~
   　

　
　
另外，朋友話想試個蔥粒吞拿魚丼~
　
蔥粒吞拿魚丼份量十足，
吞拿魚蓉滿滿鋪上飯面，肥美鮮甜！
唔好講笑，我覺得真係媲美千兩既吞拿魚蓉卷物！
　　　　

　
　
另外點左買滿$25，可以加$1換購夏威夷三文魚手卷！
$ 1 真係超抵啦，手卷紫菜非常脆，配上軟滑既角切三文魚粒，yummy！
　　

 　

　
最後仲點左個明太子玉子燒，熱辣辣，又夠層次感～
蛋非常滑，同朋友食完一啖又一啖，正！