♥ 一杯屋 ♥

最近好友升職加人工，加成20%，開心到話要請我食飯～
於是帶我來到銅鑼灣既 "一杯屋"食 DINNER !
 　

　
　
一坐低，職員先遞上牛舌前菜～
牛舌肉質非常軟腍，味道雖然清清地，不過咁樣反而食到牛舌既香味！
　

　
　
之後叫左支梅酒，甜甜地，幾好飲！
唔係好識飲酒既我都飲左一杯~

　
　
之後點左個炭燒極上牛舌～
充滿濃郁味既牛舌，質感柔軟、嫩腍，滋味無窮！

　

　
　
另外，朋友好中意食蛋，所以點左個明太子玉子卷！
玉子卷非常香滑，一咬即溶，蛋香味美～

　

　
　
另外，要特別推介呢個網燒牛扒～
全塊牛扒都係用網燒，around 6成熟，牛味香濃，食落非常juicy！
牛扒肉嫩滑無比，加上岩鹽同檸檬汁 / 配上沙律醬食，都非常唔錯，值得一試 =]

 

　
　
當然我地亦有點到串燒～
火候拿捏得好好，點左燒雞翼串、雞軟骨串、豚肉卷露筍、露筍、帶子串等。
　
最中意係燒雞翼串、豚肉卷露筍串，
雞翼外脆內嫩，而豚肉露筍非常爽口！

　

　
　
炒野菜就平平無奇，可以不試～

　
　
最後，個雞湯泡飯都唔錯，賣相吸引，湯底鮮味濃郁，米飯色澤金黃～

 　

OVERALL 小評：
　　　 
味道：★★★★★
環境：★★★★★
服務：★★★★★
衛生：★★★★★
抵食：★★★★☆