♥ MASTER KAMA ♥

尋日睇完牙醫，約左個FRD 係附近搵食～
佢帶左我黎 MASTER KAMA 食蟹，間餐廳感覺幾舒服！
　

　
　
一去到先睇睇 Menu～
望落呢個餐唔錯，咩都有d，樣樣試d又唔洗諗，就叫左佢！

　

　
　
一開始黎左個"六小缽"，有：
　
海鹽枝豆
蟹肉玉子燒
酸辣羅勒海蜆
蟹子日式凍豆腐
虎蝦配芒果慕絲
柚子醋海藻沙律
　
同朋友 share 食，當中我地最中意虎蝦配芒果慕絲～

　　

　
　
芝士蟹肉釀蟹蓋～
　
先睇賣相已經覺得好靚，份量十足～
面層既魚乾片十分香脆，而入面既芝士混合蟹肉，香濃入味！
配上清甜既三文魚子，好滿足 =]
　

　
　
蟹肉芬奴意式烤麵包～
烤麵包好鬆軟，而餡料份量非常多，每食一啖都係蟹肉，正！

　

　
　　
之後重頭戲黎，就係 Master海鮮膏蟹拼盤～
　
唔好講笑，份量十足！！
蟹蓋入面既蟹膏好多，蟹味濃之餘，仲要肉爽 =]
另外有海蝦、扇貝、青口、海蜆、魷魚等，每樣都好新鮮味美。
底層仲有適量栗米、薯仔、蕃茄，可以平衡中和一下油膩感，唔錯！

　

　
　
最後仲有黑糖綠茶厥餅～
甜甜地好滿足！

　

　
　
Overall 埋單，每人接近$300 ~
唯一美中不足既係呢個餐原來冇包飲品= =
如果包埋先似係叫套餐，依家我地咁同散叫冇咩分別。。。