♥ L’attitude ♥

今日同好友行尖沙咀，行到肚餓搵飯食 =]
朋友話西環都有間 Lattitude，佢同事話唔錯，咁我地2個都未食過，於是就一齊試下啦！


　
　
由於我地2個人都想留肚食甜品，所以一人一個溫泉蛋卡邦尼意大利粉 ~
不過我要左普通果款，白色既意大利粉～
  
溫泉蛋嫩滑如豆腐花，加埋火腿、菇，材料豐富！
意粉入口唔會太鹹/ 肥膩，我食到唔停口！

    

　
　
而朋友就叫另一個溫泉蛋卡邦尼意大利粉～
d意粉係粉紅色咖，勁靚！！ 味道同上面果款差唔多 =]
    

　
　
叫左2杯飲品，朋友果杯係叫藍柑奶昔～
杯奶昔上面有好大個棉花包住，好夢幻咁！
　　　　　

　
　
食完個棉花，以為就係飲奶昔，點知仲有個雪糕0係入面~ 好驚喜！
奶昔味道比起想像中淡，好正，因為都唔想咁甜～

 　　

　　
　　
而我就要左杯棉花朱古力～
將朱古力倒入棉花杯入面，好好玩！
朱古力味道香濃，亦都唔算太甜，唔錯 =]

  　

　
　
最後仲要左個甜品 share 食~
芝心小草莓，雪糕面鋪上草莓粉，而杯甜品內外都有芝士蛋糕，感覺好抵食 =]