♥ Goobne Chicken ♥

尋晚約左舊同事食飯，去左TST 果間 Goobne Chicken 食~
8 點幾去到都勁多人，好彩朋友一早等左，所以我去到等左一陣就有位！
　

　
　
因為室內冇位，要坐室外～
但個冷氣真係唔係好夠，所以我地每人點左一杯汽水降溫！

　 　　

 　

　
先 order 個凱撒沙律～
材料豐富，有沙律菜、蕃茄仔、麵包糠、青瓜、芝士條！
食完感到好 fresh，好健康，正 =]

 

　
　
仲點左個雞蛋卷，係鋪頭推介！
　
用咗蛋捲黎代替平時果D 紫菜包飯既紫菜～
食落蛋捲口感幼滑，味道濃郁，有飽肚感！
　　

　
　
之後就係重點！！香酥烤雞～

　
望落烤雞好似好炸咁，其實唔係，係烤焗而成咖～
烤雞外層香脆，肉質嫩滑充滿肉汁，好推介！不過以 2 個人食黎講，份量真係好多！
 　　

　
　
臨尾見到有牛奶冰，朋友話好想試～
咁我地就揀左個紅豆味啦！

　 　

　
　
唔好講笑，入面真係勁多紅豆，仲有 D 糯米磁～
牛奶冰好軟綿綿，而且一D 都唔甜，仲有唔會有食刨冰凍到牙痛果種感覺！
　
夏日甜品首選=]