♥ 心鍋 ♥

今晚陪朋友去太子果邊shopping，行行下都到食飯時候，所以佢帶左我黎心鍋打邊爐 =]
印象中好似黎左一次，不過今次好似有d唔同左...

  

　
　
之前呢間好似得打邊爐，依家多左玩法～
有４部曲，蒸蠔、乳鴿、雞煲、任食火鍋。

 　　

　
　
先一人一隻蒸蠔，
唔好講笑，隻蠔好肥美同鮮甜！！！

 　　

　
　
之後每人半隻乳鴿，鴿肉非常嫩滑，好香口！

 　　

　
　
第3部曲本應係雞煲，不過朋友話前幾日先食完，所以我地直接去左打邊爐！
揀左個四川蕃茄鍋，酸酸甜甜既湯底，又唔會辣~

 　

　
　
等緊打邊爐其間，去左出面拎野飲～
好多野飲任揀，我揀左 kuromi 提子汁同布甸狗蜜桃汁！

 　

　
　
之後 D 餸黎喇～
手切肥牛出奇地新鮮，唔多肥膏！
另外我地仲叫左蕃茄、冬瓜、青瓜、雪耳、豬皮～

 　

　
　
墨魚丸、海蝦、金菇、芋絲、牛骨髓～　
特別中意牛骨髓同芋絲，超爽滑！

 　　　

　　
　
通菜非常新鮮、翠綠，而醉雞都好嫩滑！

　

　
　
最後當然食埋杯雪糕先走啦～
紅豆味雪糕入面有紅豆咖真係，好滿足！