♥ Aster Cafe ♥

今晚去左觀塘睇戲，之後朋友帶我黎 Aster Cafe 食飯 ～
佢話有時返工 lunch 都會黎呢度，因為餐廳標榜d食物絕無味精既！
　



一坐低睇 menu，樣樣都好吸引～

Drink Menu 都有好多選擇！

　

　
　
同朋友一人一個餐，包左餐湯、麵包～
餐湯係黑松露磨菇湯，飲左一碗已經有少少飽肚感！

　

　
　
我點左個香煎虎蝦意粉配辣汁～
　
意粉煙韌，軟硬適中，而且辣汁又夠入味～
menu 上寫上虎蝦，不過其實係普通蝦，但份量勁多，交足貨，又彈牙！
　　

　
　
朋友點左個紐西蘭肉眼扒配燒汁～
　
一睇就知正，肉眼扒 7 成熟，好厚身，而且牛味香濃；
旁邊既薯蓉加入了紅米，同伴碟蔬菜，有西蘭花、椰菜、紅蘿白等，好多蔬菜！

 　

　
　
我要左杯凍朱古力，味道香濃得黎完全唔會話好甜！

　

　
　
朋友杯無花果香蕉汁係健康之選呢！