♥ 莆田 ♥

尋晚去完 facesss 個活動，就去美麗華度行街～
同朋友行到咁上下，見到莆田，印象中好出名食福建菜，就一於去食下！
　

　
　
一坐低，職員先遞上菜莆，菜莆咸咸甜甜，好清新！

　 　

　
　　
先order 左蝦苗拌頭水紫菜 ~
　
呢個紫菜好特別，係每年第一次採收既紫菜，聽講營養價值特別高，味道亦都會特別好！
紫菜口感、爽脆，唔會有黏黏既感覺，另外它加入左香醋，味道有酸酸甜甜，好開胃醒神 =]
 　

　
　
冰鎮苦瓜 ～　
　
好勁，片片苦瓜都切得好薄；
再冰鎮，令到苦瓜質感更脆、更爽口！
　
另外附上一碟蜜糖，將苦瓜沾上蜜糖一齊食，可以掩蓋苦瓜既苦味，變得清甜可口！ 　

 　

　
　
辣汁啦啦 (者係辣汁炒蜆)
配上自製鮮辣醬，D 蜆勁新鮮，肉質肥美又大粒，份量亦好多，唔錯！
　　

　
　
大白菜燉軟豆腐湯~
　
黃芯甜嫩既津白，伴以自家製鹽水豆腐，以上等濃湯燉製而成！
清甜味美，可以試到莆田地道風味 =] 
　　

　
　　
興化米粉質地幼細爽口，米粉炒得乾爽不會太多油，
加上蝦仁、花甲、花生、豆卜，菜段等拌炒，面頭放上紫菜，配料非常豐富！
　
整體調味鹹香剛好，口感清爽幼滑！