♥ 串酒里 ♥

今晚同朋友0向山林道學插花～ 學完之後就到附近既串燒專門店食串燒！

間餐廳叫 "串酒里" ，好彩朋友一早就打電話book 左，所以去到即刻有位～
我地食食下，有幾個家庭walk in 都冇位，所以大家最好 book 定先去，咁就確保有位 =]
 

 　
 　
餐廳位置：尖沙咀山林道6號B舖 (漢國中心對面) ~

  　

　
　
一入到去，先睇睇menu ~
勁多選擇，好多野都想食haha！

　 　

　　
　
一開始先黎燒玉子、燒秋葵～
　
玉子大大粒，好香蛋味，食落軟綿綿；
而鹽燒日本秋葵，秋葵外皮香脆，內層爽滑！

　

　
　
之後就到燒雞翼、煙肉卷蠔～
　
燒黑胡椒雞翼，燒得香噴噴，表皮燒得薄脆，肉質挺嫩滑，面層滲上黑胡椒增加口感！
煙肉卷蠔 d 蠔非常肥美，滑彈！

　

　　
　
燒牛油粟米，
粟米飽滿，而且有好香牛油味 =]

 　

　
　
麻辣雞腎，雞腎非常爽口、彈牙！不過真係幾辣下 =p

 　

　
　
燒魷魚燸米飯～
好特別，燸米飯放係燒魷魚入面！
燸米飯食落好煙韌，燒魷魚又香又彈牙 =]

 

　
　
汁燒娃娃菜～
娃娃菜水份十足，唔會好乾身！

　 　

　
　
黃金扭扭薯條，必叫！
又脆又香口，食完一條又一條，正 =]
　 

 　
 　
烤饟大啡菇，切開超 juicy ~ 香噴噴又軟綿綿！
面層有拉絲既芝士 & 芝士粉，好豐富既層次感 =]

  　

　
　
芝士燒虎蝦，虎蝦大隻肉厚，初初以為芝士係可以拉絲嗰種，不過原來係芝士粉調味！
所以唔算好heavy，比起想像中冇咁膩～

　
　
最後食埋個吉烈芝士豬扒，啖啖都係肉，超飽肚！

　

不知不覺我地食左咁多野～ 好滿足！
　
最後埋單每人around $400，有d 貴～
不過味道、服務、衛生方面都好滿意，
環境係有d 迫，唔可以一次叫太多野食，因為張枱擺唔哂 ><
　小評：
　　
味道：★★★★★ 
環境：★★★★☆
服務：★★★★★
衛生：★★★★★ 
抵食：★★★★☆