♥ 鉄人旨花 ♥

早係半個月前，公司已經 ANNOUNCE 左出加人工同出BONUS，
我同同事都超開心，所以大家都覺得要慶祝下！

於是就黎到銅鑼灣間鉄人旨花食鐵板燒 =]




一上到去，環境好舒服！

 

坐低後，見到師傅煮緊比其他食客。

我同同事點左個 A5日本產和牛(鮑魚) 二人前 =]

一開始，先黎個香滑豆腐醬野菜沙律同蕃薯南瓜蓉。

 

之後就來銀鱈魚。

肥美既銀鱈魚，師傅一邊烤，香氣一邊散出，我已經流哂口水好想快D 食haha!!
烤好既銀鱈魚外表，呈金黃色，食落口好香脆，但絕不覺得熱氣 =]
食上口，魚肉甘香軟滑，而且配上銀鱈魚既調味 - 西京味噌醬，有d 酸酸甜甜，開胃又滋味！

   

鮮活鮑魚 

大大既鮑魚，被師傅切成一片一片，
食上口十分鮮甜，而且肉質鮮嫩、口感煙韌，容易消化！
　　　

A5日本黑毛和牛 (200g) 

呢塊黑毛和牛扒超大塊，師傅一開始細心地將和牛扒既筋位切開，與野菜一齊煮。

今次既黑毛和牛扒我揀左 7 成熟，口感超嫩，有入口即溶既感覺！
師傅教落，第一啖可以直接食用，牛肉味超濃郁，鮮嫩；
之後可以沾上烤肉汁、「岩鹽」，沾上後味道亦不會遮掩牛肉味！

食完主菜，就到海鮮湯、炒飯。

海鮮湯味道鮮甜，有我最中意既魚味，而且相當足料！
炒飯在製作既過程，時不時都聞到香香的飯味，食上口更粒粒分明，口感好正 =]
 

最後既甜品來個水果杯，
消除鐵板燒既熱氣，唔錯！　

　

雖然今餐有點貴，不過食到鮑魚、A5日本黑毛和牛，
而且加左人工又出 BONUS，一於豪一次啦！