♥ Mela Italian & Spanish Cuisine ♥

早幾日去觀塘接朋友放工，之後佢帶左我黎 Mela ~
我記得左 Mela 本身係由巧運工業大廈11樓，原來最近它搬到去鴻圖中心地下！
　

　
　
一黎先睇睇 Menu，好多選擇！

　 　

　
　
我同朋友一人一杯飲品，
我要左杯燈汁，佢要左杯薄荷青檸梳打。

　

　　
　　
煙三文魚凱撒沙律配溫泉蛋～
沙律既菜好 fresh，煙三文魚口感煙韌，咸香有致！

 　　

　
　
小食叫左藍芝士焗脆炸單骨雞翼，
芝士味濃，雞翼炸得黎又唔會太熱氣，小朋友都岩食！

　 　　

　
　
另外點左個 "大虎蝦、櫻花蝦、車厘茄、蕃茄蝦汁、手製意大利麵"～
初初諗住真係有大虎蝦，不過原來同想像中既出入好多，而櫻花蝦我就真係見唔到！
所以如果本身想食大虎蝦既朋友就有機會失望 ><
　
蝦肉彈牙、鮮味濃郁，
而手製意大利麵就同平時既意粉好唔同，呢度係幼d，滑d，唔錯！

　

　
　
另一個 main 點左 "燒美國牛肋骨配燒蒜，紅酒燒汁"
　
初初以為燒美國牛肋骨唔會有好多肉，
點知好驚喜，牛肉鮮嫩又 juicy，同埋條燒美國牛肋骨既份量都好多！
燒蒜既蒜味好重，朋友好中意！

　

　
　
Overall 小評：
　　 　
味道：★★★★☆
環境：★★★★☆
服務：★★★★☆
衛生：★★★★☆ 
抵食：★★★★☆