♥ 赤山風味料理 ♥

今日又去探同事 BB 喇 = ]
探完同男友去附近搵食，來到新蒲崗廣埸～
見到間日本餐廳，見價錢又ＯＫ，所以就試下！
　　

　
　
串燒雞軟骨同鹽燒雞翼，
鹽味適中，不會太咸又太淡，唔錯 ～

 

　
　
蒜蓉燒帶子，
偏咸，不過蒜蓉好入味～

 　　

　　
　
蒜蓉燒蠔 & 芝士焗蠔～
蠔好肥美，鮮甜，出奇地冇腥味！

　

　
　
清酒煮蜆～
蜆肉粒粒都大隻，而且一碟既份量都好多！

　

　
　
銀芽炒雞腎，
雞腎份量很多，爽口彈牙；相反芽菜少左 d ~

 　

　
　
日式炒什菜～
材料非常豐富，有菇、金菇、椰菜、章魚等。。。唔會過油，感覺好健康！

　
　
鰻魚炒飯～
飯炒得非常乾身，不油膩，而且熱度足，食左一碗已經有飽肚感～

　

　
　
菊花蜜冇特別，可以不叫～

 　

　
　
最後埋單每人around $200 ~
　
小評： 　 　
味道：★★★★☆ 
環境：★★★☆☆
服務：★★★☆☆
衛生：★★★★☆ 
抵食：★★★★☆
　
餐廳冷氣凍到爆，d 野食好快就凍～
另外唔知係咪我地點左太多熟食，而廚房得一個人，我地等左好耐先有第一碟食物。
不過overall 食物味道同價錢麵ｏｋ。