♥ 鯛魚湯專門店 ♥

尋晚放工，同好友由灣仔行去銅鑼灣～
中途經過一間餐廳，見到魚湯專門店，好似幾正咁！於是就比個機會佢食下 =]
 　

　
　
一坐底，先睇睇 menu，好多選擇！
有好多湯烏冬、湯飯等，仲可以追加d 餸，eg. 花膠、鯛魚、八爪魚、鮑魚等～

　

　
　
朋友唔想咁heavy，叫左個象拔蚌魚湯烏冬，
另外加$18 追加鯛魚片４件～
　
象拔蚌爽口，鯛魚片食落好滑嫩、可口魚湯清清地，但非常鮮甜，
呢個烏冬100分比90 分，因為象拔蚌只有4片，所以最好要追加d 餸>< 如果再多1-2片象拔蚌就 perfect！

　

　
　
而我就點左個鮑魚花膠魚肚湯飯 ~
　
唔好講笑，真心覺得正！
個湯飯賣相唔錯，兩隻日本鮮鮑魚，以及大量花膠魚肚；仲有好多木耳絲、小棠菜、蔥等配料，口感好豐富呢 =]

　　
鮑魚口感煙韌、彈牙，而且鮮味十分；
而花膠桶煙韌得來又帶點膠質，岩哂女人補充骨膠原，味道一d都不腥。
魚肚就吸收哂魚湯，入口特別覺得鮮甜～
 　

　
　
小食點左個焗雜菇，
好多金菇、冬菇、磨菇～不過竟然係帶有辣味, out of expectation ~

 　

　
　
另外，點左個炸雞～
佢唔似出面其他餐廳咁炸得好恐怖，佢薄薄地一層粉，所以食落都唔會好熱氣！
雞肉亦非常嫩滑，唔錯！

　

　
　
蒜蓉茄子，好多肉鬆木魚係茄子上～
茄子都幾大條，而且蒜蓉都好多，味道唔錯！

　

　
　
最後都點左個鹽燒海蝦～
鹽味適中，唔錯過咸，而海蝦非常爽口彈牙。

　

　
　
最後埋單都唔算好貴，因為呢個餐廳原來係冇加一咖～