日本煲仔飯 ♥ 奈良上釜 ♥

好開心，今晚約左幾年冇見既朋友見面，最近聯絡返，所以就約食飯。
大家都係港島區返工既關係，我地去左銅鑼灣求搵飯食 =]
行行下登龍街，佢比奈良上釜吸引住，見到唔算多人排隊，所以食下啦！
　　

　
　
原來好多雜誌都有報導過，睇黎真係好唔錯！

　

同朋友一點左一個釜飯～
每個釜飯套餐都有前菜、沙律、刺身等！

刺身有甜蝦、油甘魚、吞拿魚，都幾新鮮～
另外，亦有醃物、醃蘿蔔，食落好開胃；而麻醬豆腐好滑溜 =]
蒸蛋入面有蝦肉、鮮蟹肉、三文魚子、冬菇同黑松露等，口感好豐富～
煮物仲有土佐豆腐，味道唔錯。　　

朋友點左個七盛釜飯，跟麵豉湯、三文魚子、生果～
　
七盛釜飯打開後，海鮮鮮味湧出 =]
入面有好多海鮮，eg 鮑魚、大蝦、鮮蟹肉、冬菇等等～
材料豐富，食材既鮮味滲哂入飯，鍋底仲有少少飯焦，食落幾脆！
　　

　
　
我就點左個極上釜～
有蟹肉、鰻魚、雞、冬菇、白本菇等！

鰻魚同蟹肉好新鮮，而且份量都好多，食落飯味亦鮮甜。
　 　

　
Overall 小評：
　　　 　
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆