♥ 南豐小廚雞煲火鍋 ♥

早幾日同朋友食雞煲，
旺角地頭蟲既佢帶我黎到南豐小廚雞煲鍋～
　　　

　　
　　
星期六夜晚都好FULL，我地AROUND 7 點到，好彩都有位！

　

　
　
同朋友一人一杯巨無霸飲品，
超大杯唔好講笑，２個女仔我覺得可以SHARE 飲！

　

　
　
我地點左個黃酒滋潤雞煲～
職員教我地個湯滾左先好落雞，然後碌熟D 雞後，再焗多一陣先好食！

　 　　

　
　
 一打開蓋，香氣四散，酒味有D 濃，食落味道唔錯～
雞塊多肉少骨，唔係雪到無哂質感既雞肉，而且真係好嫩滑！
味道同其他雞煲有些少唔同，酒味較重，感覺好滋補！
　　

　
　
牛骨髓好滑溜，食完一條又一條～

 　

　
　
仲點左魚腐，手打墨魚丸、手打蝦丸～
魚腐吸收哂湯汁既精華，好好味！
而手打墨魚丸、手打蝦丸好大粒，粒粒都彈牙、爽口 =]

 　

　
　
最後埋單前，老闆娘就送左碗雪耳糖水比我地～又甜又清涼！