♥ 新南苑私房菜火鍋鷄煲 ♥

一直都0向灣仔返工，最近聽同事講有間新開既餐廳唔錯～
就跟佢一齊試下，0係海德大廈 2 樓，間餐廳叫 "新南苑私房菜火鍋鷄煲"。
　　

　
　
一點到，已經勁多人～
好彩等左一陣就有位！

　

　
　
一坐低先比壺茶我地。

　

　　
　
之後我地一人點左一個餐～
每個餐跟一碗老火湯，今日係老黃瓜雞腳湯，味道濃郁，唔覺有味精！
　

　
　
朋友點左薑蔥炸菜蒸滑雞，
雞肉非常嫩滑，而且加埋薑蔥炸菜，煮得好惹味！

 　

　
　
而我就點左個麻婆香辣豆腐煲～
微辣既麻婆豆腐，拌飯真係好正，而且豆腐滑溜，超好味！

　

　
　
飯後，仲有杯西式甜品～
奶凍超香、滑，食落完全覺得同出面甜品店有得揮～ 　

　
　
最後埋單$88，冇加一，以灣仔地區黎講，價錢合理～