♥ 番本星級日式放題 ♥

返左新工一個月，之前日日都忙到爆，連見朋友既時候都冇 ><
難得知道今個星期比較得閒，所以就 book 左番本日式放題同佢聚聚 =]
地點：旺角西洋菜南街168號3樓全層，地鐵站 B2一出就係，方便大家返屋企！




看看MENU，有成10幾張紙任點！
款式多多，前菜、刺身、壽司、手卷、卷物、燒烤、天婦羅等等，應有盡有 =]

 

我地大家都中意食刺身，
特別係三文魚、甜蝦、帶子、北寄背，所以呢4樣係必點！

刺身好新鮮，而且又肥美、冰凍，
大家都覺得刺身好鮮甜，應該會encore =]

 　

之後食熟食，見到有白汁忌廉藍貝，即點！
白汁不會過濃，淡淡既白汁忌廉加上大大粒既藍貝，食上來超有口感。
　

炸物同樣好食，職員捧過黎後，
食物仍然好熱，證明係即點即炸！

雞翼同黑豚肉十分脆、炸，雖然會有點熱氣；
不過味道一點都唔咸，而且好好食，所以我都唔理喇，肥就肥，熱氣就熱氣啦！

　

仲有個芝士焗蠔，唔好講笑，
佢又係超正，濃郁既芝士味，但又唔會蓋過蠔既鮮味，
而且粒蠔超大粒，食完覺得好抵haha！

 

另外，當然唔少得天婦羅啦，
炸蝦天婦羅幾時都係大家既最愛！

　

　
　
我地 encore 左甜蝦都帶子，
因為真係好新鮮，而且又肥美，相信下次都係必點既刺身！
　



最後食左個紅豆棉花冰，不過唔知點解好似好快溶 ><