♥ 樂天皇朝 ♥

新年食中菜是常識吧 ~
好開心同一個岩岩0向外國返黎既朋友食飯，佢話好想食中菜，於是就帶佢黎樂天皇朝～
　

　
　
一坐低，每人先飲一碗酸辣湯，又開胃又暖胃，正～

　 　

　
之後就黎個醉雞，雞肉十分嫩滑，
而且雞皮咬落爽口，加上清而香醇既酒香味又唔會過份濃烈，唔錯～

 　　　

黎樂天皇朝必叫既八色小籠包～

每一種顏色都有唔同既味道，
依次序食就係：原味、人參、鵝肝、黑松露、芝士、蟹粉、蒜香及麻辣。

食既次序係好重要，因為味道要由淡到濃咁食先可以忠實地呈現出來～

最中意係鵝肝、黑松露、芝士，好特別同有創意！
  

   
   
個菜就麻麻地，有 d 油膩感。

 

揚州糟溜滑魚片，雖然賣相麻麻地，
不過魚肉本身都幾嫩滑，調味方面清淡，感覺好健康～

揚州炒飯份量十分多，而且好足料，
內裡既蝦肉十分爽口、彈牙，叉燒甜而唔乾，最重要炒得好夠鑊氣！

　

最後仲叫左個豆沙鍋餅，
外面香酥，內裡柔軟，唔會過甜～

食完好有滿足感！