♥ 盈翠軒 ♥

去完澳門揀左中港城落船～
飯都未食，聽身邊既朋友話中港城平台果層有間中菜餐廳幾好，就一於去食啦！
間餐廳叫 "盈翠軒"，0係第五座平台樓層，都幾易搵到。 
　

　
　
一去到見到有個menu叫 二人世界，
價錢 $ 598，免茶芥，免加一，d 餸都幾吸引，所以就叫左～
　
♥ 冰梅涼瓜拚椒鹽蟲草花 ♥
　
涼瓜甜中帶苦，相當開胃；
另外的椒鹽蟲草花炸得好香口，又唔會太油膩，唔錯！

 　

　　
　
♥ 鮮魚湯野菌浸菜苗 ♥
　　
菜同菇既份量相當多，
中間夾雜唔同種類既菇，感覺好健康！

 　

　
　
♥ 日本姬松茸秘魯瑪卡燉螺頭茶壼湯 ♥
　
聽阿媽講，姬松茸係超有益身體，可以有益腸健胃、同增強人體免疫細胞；
而瑪卡係秘魯既珍貴藥材，據說可以消除疲勞和增強體力！
　
燉湯雖然有中藥材料，
不過燉出來既湯水，一 d 藥味都冇，相反好濃郁，正！

　

　
　
♥ 香煎日本元貝拼鵝肝醬窩粑 ♥
　
香煎帶子好肥美，啖啖肉；
而鵝肝醬窩粑都唔輸蝕，非常香同脆口！

 　

♥ 燒汁安格斯牛粒 ♥

安格斯牛粒肉質鮮嫩，而且好多汁，
不過略嫌少左 d ，睇落去菇好似仲多過安格斯牛粒~

 

　
　
♥ 健康紅米珍珠雞 ♥
　
珠雞係用紅米做，睇落去都幾健康～
雖然份量好似好少，不過都好足料同好味，飯唔會過淋，而且有d 紅米仲更加有口感～

 　

　
　
♥ 夏威夷木瓜奶凍 ♥
　
木瓜超甜又多汁，朋友同我都勁中意～
奶凍係斑蘭味，好特別，顏色同木瓜幾 match，賣相幾靚！

 　

　
　
最後埋單，一如所料，
$ 598， 免茶、免芥、免加一，都幾抵！同朋友食得好滿足 =]