♥ 香湘辣妹 ♥

今晚放工同朋友去黃埔吉之島買野，之後食飯～
咁岩經過見到間食湖南私房菜既餐廳，就一於WALK IN！
　

 
 
一去到好快就有位坐～
餐廳環境唔會太迫，都幾舒服。

　

  
 
由於今日太凍既關係，一坐低就點左鍋三鮮湯～
三鮮湯既料非常多，清清地，又暖胃，完全唔係出面果D 味精湯！
 
一鍋足夠 2 個人，每人飲 2 碗 =]
　



之後就係主菜 - 干鍋田雞。
　
由於用上干鍋，所以田雞好乾身，
另外香味不斷散發出來，好有農家風味，
加上田雞切到細細粒，可以令田雞更入味、更滋味～

 　

　
另一道湘菜就係：土雞鉢 ~
　
雞肉嫩滑多汁，十分惹味，
而且切成細細件，又唔多骨，令人食完一件又一件！

　 　

　
　
最後埋單每人$200都唔洗，其實都好抵～
畢竟呢度環境、服務都唔錯，而且價錢又合理，下次可以再食！