♥ 凡高廚房 ♥

好開心今日放工食西餐～
因為個好朋友出左bonus，佢話要慶祝下，就一於食餐好 =]
 　

　
　
一去到見到果度有好多 Vincent van Gogh 既名畫，仲有張卓球枱～
當時仲播放住柔和既音樂，好relax！
　

　
　
之後就睇 menu ~

 　

　
　
枱上既擺設都好靚好有格調！

　

　
　
我同朋友一人點左一個 set dinner ，所以有2份前菜～
蜜瓜超熟而且夠甜，天然甜味配上鹹香既 Parma Ham好滋味，唔錯既搭配！
而另一款前菜係挪威三文魚酸雜菜卷，朋友話冇乜特別。
　　

　
　
之後就飲左個98%野菌忌廉湯，個湯超濃味，好正；
聽職員講廚師用左蘑菇、牛肝菌同黑松露等共九款雜菌製作，好有誠意呢！

　

　
　
之後就係主菜：澳洲頂級和羊配蒜蓉香草醬薯角～

　
肉質纖維幼細，口感非常嫩滑，
而且和羊既脂肪分佈平均、羊味香而不羶，真係羊扒之中既極品。
　　　

 　

而另一個主菜：地中海式火焰牛柳串燒配蒜蓉香草醬薯角～

d 牛柳串燒０向另一個爐度燒然後呈上，好特別！

   

　
　
牛柳份量勁多，超級軟身同 juicy，
而且完全唔會食到筋，廚師一早起哂，好細心！
　　

　
　
餐飲熱檸水～

　

　
　
最後個甜品都好正，
有個 cheese cake 同 creme brulee ~
　
個人覺 creme brulee 正d，
香脆既焦糖糖衣，配上軟滑既custard，好回味！

  　

　
　
最後埋單比起預期中又唔係好貴，初初諗住要成千蚊，原來$700幾就攪惦！