♥ 寿司の神 ♥

尋日同 Baby 慶祝考完試，我地去左元朗食 " 寿司の神 " ～
之前聽親戚講話好ok，就一於去食，反正 baby 又中意食日本野！ 
 　

　　
　　
一坐低見到 d 套餐，不過亦有 Omakase，由師傅發辦，我地揀左呢個，食好ｄ～
　　　　
剛開始時，師傅先奉上前菜三點，
前菜擺放得十分精緻，配上稻米枝裝飾，感覺好溫暖 ~
　
藍碗係北海道自家豆腐 & 漬物，配上木魚絲，豆腐超級滑溜；
虎蝦以黑松露、金箔點綴，蝦肉十分爽口、彈牙；
另外綠色碗係裝住白子，食落冇咩味，但有豐富既維他命，好岩女仔食！

　 　

　
　
之後就來刺身，事先師傅會問我地唔食d 咩，以免造成浪費。
刺身有：
　　
赤陸魚，顏色通透，捲着芽葱一齊食，可以食到赤陸魚既鮮味；
伊左目魚十分爽滑、彈牙～

 　

　
　
燒銀雪魚係我同 Baby 最中意既，
燒後魚油滿溢，而且十分甘香，回味無窮！

 　

　
　
壽司有好多款，最中意既係北寄貝，爽得黎帶有鮮甜，十分可口。
其他壽司全部都十分新鮮，而且師傅握得剛剛好，飯粒軟而不鬆散！

 　　

　
　
不得不提既鹽燒和牛串十分厚身，口感好好，爽口有嚼，而且唔會太韌！

 　

　
　
魚湯， 味道鮮甜、香濃，飲到落足料既感覺～

 　　

　
　
甜品方面，紅豆雪糕真心正，有好濃烈既紅豆味！

 　

　
　
而芝士蛋糕布甸就唔會太甜，芝士味較重 !

   　

 　
 　
最後埋單每人 around $ 1100 到，價錢會有點貴，平時唔會捨得食～
不過尋晚 Baby 食得開心，而且呢度食材新鮮，如果慶祝 / 有紀念日既話，可以值得一試！